Mynd:
Góður dagur í kolaportinuSpurt og svarað
Ég er að reyna að panta ákveðna dagsetningu en ekkert virkar?
Ef dagsetningin er lituð grá eða ólituð, þá er annað hvort ekki búið að opna fyrir þá dagsetningu eða hún ekki í boði (t.d. virkir dagar). Ef dagsetningin er lituð rauð þá eru allir básar pantaðir þann daginn.
Hvenær opnið þið fyrir pantanir fram í tímann?
Hið almenna er að við tökum pantanir allt að tvo mánuði fram í tímann.
Það eru allir básar pantaðir þann dag sem ég vil vera. Er einhver möguleiki á að bás losni þann dag?
Það geta alltaf komið fyrir forföll og einnig getur skipulag sölubása breyst hjá okkur. Það er því alltaf möguleiki. Ef þú vilt komast á biðlista þá getur þú smellt á viðkomandi dagsetningu í básapöntunarferlinu og þá getur þú skráð netfang þitt á biðlista. Sumir lenda í því að tölvupósturinn frá okkur lendir í ruslpóstsíunni þeirra. Það er einnig hægt að gerast vinur okkar á Facebook. Kolaportið á Facebook
Hvað eru básarnir stórir?
Básarnir eru 2,45m x 2,45m = 6 fermetrar. Borðin eru 2.20m x 80cm. Algeng stærð á fataslá er 1,4m á hæð og 1,5m á lengd.
Hvað kem ég mörgum fataslám og eða borðum í básinn?
Að okkar mati komast mest 3 aukahlutir (borð/slár) í hvern bás.