Það er ekkert mál að panta bás í Kolaportinu

1) Þú pantar bás með því að smella á „básapantanir“ hér til vinstri.

2) Þú velur svo dagsetningu á dagatalinu og því næst hvort þú ætlar að vera stakan dag eða báða dagana.

3) Þú skráir svo inn upplýsingar um þig og velur svo staðsetningu með því að smella á „velja bás(a)“ Þá birtist teikning af básaskipulaginu og þú velur bás með því að smella á hann. Fjöldi bása sem þú velur fer eftir því hve marga bása þú smellir á. Efst í vinstra horninu á teikningunni sérð þú hve marga bása þú valdir og samlagning á verði þeirra. Til að byrja valið upp á nýtt smellir þú á „hreinsa“ takkann á teikningunni.

4) Þá velur þú hve mörg borð og/eða fataslár þú vilt. Þá þarftu að haka við að þú samþykkir skilmála Kolaportsins sem má skoða með því að smella á viðeigandi hlekk. Að lokum smellir þú á „greiða“ hnappinn til að komast á öruggt svæði Kortaþjónustunnar þar sem þú fyllir út greiðslukortaupplýsingarnar þínar og lýkur svo greiðslunni.

5) Þú mætir í vörumóttöku okkar þann morgun sem þú átt pantað milli kl. 9 og 10. Athugaðu að Kolaportið áskilur sér rétt til að fella niður pöntun þína ef þú ert ekki komin kl. 10.

6) Þú raðar vörunni þinni á vörubretti hjá okkur og við sjáum um að keyra brettið á þann bás sem þú valdir. Vörumóttakan okkar er í vesturenda hússins (milli Listasafnsins og Kolaportsins).