Mynd:
Góður dagur í kolaportinuVelkomin á heimasíðu Kolaportsins
Kolaportið í fríi uppstigningardag
Kolaportið verður ekki opið uppstigningardag en það verður að sjálfsögðu opið um helgina.
Lausir básar í matvælamarkaði
Nú eru 2 básar lausir til leigu í okkar vinsæla matvælamarkaði. Áhugasamir geta haft samband við okkur á netfanginu kolaportid@kolaportid.is eða í síma 562 5030 föstudaga til sunnudaga. Athygli er vakin á því að sala í matvælamarkaðinum er háð leyfi heilbrigðiseftirlitsins og er leyfið staðbundið. Annar básinn er laus til leigu fram til júlíloka en hinn básinn er laus fyrir langtímaleigu.
______________________________________________________________________________
Kolaportið var opnað 8. apríl 1989 í bílageymslu bílastæðasjóðs Reykjavíkur í húsi Seðlabankans í miðborg Reykjavíkur. Með stuðningi Reykjavíkurborgar og Fjármálaráðuneytisins flutti Kolaportið starfsemi sína á árinu 1994 í framtíðarhúsnæði á neðstu hæð Tollhússins við Tryggvagötu í miðborg Reykjavíkur.
Það eru fáir staðir hér á landi sem fólk sækir meira en markaðstorg Kolaportsins. Fjölbreytnin gerir þetta skemmtilega umhverfi ólíkt öllum öðrum verslunarstöðum, en þar er að finna notaða vöru, nýja vöru, matvæli, handverksvöru, fatnað, skartgripi, skó, antikvöru, húsgögn, bækur, innfluttar vörur frá öllum heimshornum, svo eitthvað sé nefnt. Stemningin á markaðstorginu er eins og í litlu bæjarfélagi, kaupmenn kalla á viðskiptavini, heildsalar kynna nýja vöru, stjórnmálaöfl dreifa bæklingum, kórar taka lagið og selja kompudót í fjáröflunarskyni, fjöldi manns er mættur með gamla dótið úr geymslunni og ættarmótin koma saman í Kaffi Porti.
Kolaportið er opið laugardaga og sunnudaga frá kl. 11-17.