Hvar og hvenær á ég að koma með dótið?
Þú kemur milli kl. 9 og 10 að morgni þess dags sem þú átt pantað. Að vestanverðu húsinu er vörumóttakan okkar. Þar eru vörubretti sem þú getur lagt dótið þitt á og svo færum við það á básinn sem þú pantaðir. Þar sem við opnum Kolaportið kl. 11 er mikilvægt að koma ekki seinna en kl. 10.
Hvenær opnið þið fyrir pantanir fram í tímann?
Hið almenna er að við tökum pantanir allt að tvo mánuði fram í tímann.
Það eru allir básar pantaðir þann dag sem ég vil vera. Er einhver möguleiki á að bás losni þann dag?
Það geta alltaf komið fyrir forföll og einnig getur skipulag sölubása breyst hjá okkur. Það er því alltaf möguleiki. Ef þú vilt komast á biðlista þá getur þú sent okkur tölvupóst á netfangið kolaportid@kolaportid.is. Það er einnig hægt að fylgjast með okkur á Facebook:
Facebook síða Kolaportsins
Hvað eru básarnir stórir?
Básarnir eru 2,45m x 2,45m = 6 fermetrar. Borðin eru 2.20m x 80cm. Algeng stærð á fataslá er 1,4m á hæð og 1,5m á lengd.
Hvað kem ég mörgum fataslám og eða borðum í básinn?
Að okkar mati komast mest 3 aukahlutir (borð/slár) í hvern bás.
Get ég breytt um dagsetningu eða hætt við?
Það er hægt að breyta um dagsetningu og það kostar ekkert. Til að breyta um dag er best að senda okkur tölvupóst á kolaportid@kolaportid.is. Það er líka hægt að fella niður pöntun og endurgreiða. Niðurfelling á pöntun kostar 2.000. krónur. Niðurfelling á pöntunum er háð samþykki Kolaportsins hverju sinni og áskilur Kolaportið sér rétt til að synja beiðnum um endugreiðslur. Athugið að Kolaportið endurgreiðir einungis inn á kreditkort viðkomandi enda er söluaðilum óheimilt að endugreiða í reiðufé hafi korthafi greitt með kreditkorti.
Hvar á ég að leggja bílnum?
Lang ódýrast er að leggja bílnum í bílahúsinu þar sem Kolaportið var í gamla daga. Það kostar bara 200 kr fyrsti klukkutíminn og svo 120 kr. hver klukkutími eftir það. Sjá hér